Gjilan.AL

G-Lan City

Vjen reagimi nga presidenti i Feronikelit: Kemi kryer të gjitha procedurat për transferimet e janarit

Presidenti i Feronikelit Erlind Krasniqi ka reaguar pasi Trepça ’89 ka bërë një ankesë sot në FFK pas humbjes në kuadër të 1/8 së Finales së Kupës së Kosovës.

Feronikeli shënoi fitore me rezultat 1:0, por Trepça ’89 dyshon se skuadra ka aktivizuar disa futbollistë që nuk janë të regjistruar në FFK.

Pas kësaj ka ardhur reagimi i Krasniqit duke thënë se skuadra e tij ka fituar në fushë aty ku luhet futbolli por ja që këtë fitore nuk po e shijojnë sa duhet për shkak të reagimeve të kota.

Ai ka thënë se FC Feronikeli 74 ka kryer të gjitha procedurat për transferimet e janarit dhe jemi të qetë dhe të hapur për ankesat e kujtdo, sepse nuk pretendojmë të bëjmë diqka të jashtëligjshme apo jashtë rregulloreve sportive.

Postimi i plotë i Krasniqit:

Jemi rikthyer me futboll pas pauzës dimërore, duke fituar ndeshjen e dytë, në Kuadër të Kupës së Kosovës.

Fitoren e sotme nuk munda ta shijoj nga reagimet e njerëzve në lidhje me disa lajme që po qarkullojnë nëpër portale.

Sa për sqarim, FC Feronikeli 74 ka fituar ndeshjen në fushë, aty ku luhet futboll dhe aty ku fitohen ndeshjet dhe për këtë e dinë edhe futbollistët e mi se sa krenar jam me ta.

FC Feronikeli 74 ka kryer të gjitha procedurat për transferimet e janarit dhe jemi të qetë dhe të hapur për ankesat e kujtdo, sepse nuk pretendojmë të bëjmë diçka të jashtëligjshme apo jashtë rregulloreve sportive.

Ne si klub mbështesim cilindo vendim të FFK dhe organeve të saja, por të gjykohesh nga portale dhe njerëz jo kompetent, nuk e durojmë asnjëherë.

Ne do të vazhdojmë të fitojmë, të shënojmë e të gëzojmë në fushë, aty ku luftojnë luftëtarët, për sa i përket jashtë fushës as nuk kam dyshimet më të vogla që kemi bërë diçka jashtë rregulloreve.