Gjilan.AL

G-Lan City

Rashun Davis shpallet ‘MVP’ i xhiros së 17-të në elitën e basketbollit kosovar

Në xhiron e 17-të u zhvilluan disa ndeshje interesante, ku derbin e fitoi Golden Eagle Ylli ndaj Pejës në udhëtim.

Basketbollisti më i mirë i ndeshjes ishte Rashun Davis me 24 pikë, tri kërcime e shtatë asistime. Ai ishte i saktë 3/5 për tri pikë, 6/7 për dy pikë dhe 3/5 nga gjuajtje e lira. Rashun ishte basketbollisti më i mirë i ndeshjes dhe i kësaj xhiro.

Trepça shënoi fitore të pritur në udhëtim ndaj Rahovecit, ku u dallua qendra Andrew Gordon me 22 pikë, 12 kërcime dhe një asistim, si dhe Mikaile Tmusiq me 13 pikë, nëntë kërcime dhe tri asistime.

Dustin Thomas sërish u dallua te Sigal Prishtina, që mundi Vëllaznimin. Thomas ndaj kuqezinjve kishte 25 pikë, katër kërcime dhe dy asistime.

Ndërkohë, derbin prizrenas e fitoi Bashkimi, ku më i miri në parket, sidomos në momentet vendimtare ishte Fisnik Rugova me 19 pikë e gjashtë kërcime, duke hyrë në top 5 të kësaj jave.

Top 5

Rashun Davis (Golden Eagle Ylli) 24 pikë, 3 kërcime, 7 asistime

Andrew Gordon (Trepça) 22 pikë, 12 kërcime, 1 asistim

Dustin Thomas (Sigal Prishtina) 25 pikë, 4 kërcime, 2 asistime

Fisnik Rugova (Bashkimi) 19 pikë, 6 kërcime

Mikaile Tmusiq (Trepça) 13 pikë, 9 kërcime, 3 asistime