Laura Fazliu ka fituar medaljen e bronztë në Grand Slamin e Tel Avivit në Izrael.
Në luftën e fundit dhe vendimtare, Fazliu në kategorinë deri në 63 kilogramë, mposhti izraeliten, Gili Sharir.
Ajo shfrytëzoi momentin e pakujdesisë të Sharirit, dhe e fitoi luftën me Ippon, pas një luftë të fortë .
#JudoEnTyCSports ¡Disfrutá el segundo día del Grand Slam de Judo de Tel Aviv!
Miralo EN VIVO y en exclusivo por https://t.co/oDHOhjau1V acáhttps://t.co/DpgRSRo3CM pic.twitter.com/COnb1k5xxG
— TyC Sports Play (@TyCSportsPlay) February 17, 2023
Laura e nisi ditën me revanshin ndaj kampiones evropiane. Ajo në xhiron e parë mposhti britaniken Gemma Howell, ndaj së cilës kishte humbur në finale të Evropianit të kaluar. Laura realizoi hedhje mjeshtërore në kohën shtesë.
Edhe në pengesën e dytë, Laura nuk pati telashe. Fitoi ndaj hungarezes Brigitta Varga me mbërthim në kohën shtesë.
Megjithatë, Fazliu u mposht në çerekfinale të garës. Ajo humbi nga bartësja e parë, kanadezja Catherine Beauchemin-Pinard, që ka medalje olimpike e botërore.
#JudoTelAviv Laura Fazliumposht Kampionen Olimpike te Tokyo 2020 Clarisse Agbegnenou https://t.co/uWxJyaVq3B
— KosJudoFederation (@KosovaJudo) February 17, 2023
Në repesazhin e kategorisë së saj, xhudistja kosovare mposhti legjendën e xhudos, francezen Clarisse Agbegnenou, që është kampione në fuqi olimpike dhe ka pesë tituj të botës e pesë medalje të arta evropiane.
Laura ka dëshmuar edhe një herë tjetër se është top-xhudiste botërore, ku u stolis me të bronztën, pavarësisht shortit shumë të vështirë.
Laura Fazliu 22-vjeçare është nënkampione evropiane dhe ka fituar edhe medalje tjera të mëdha.