Gjilan.AL

G-Lan City

LAJMI I FUNDIT: Derbi Gjilani – Drita sërish pa tifozë

Tifozët e SC Gjilanit dhe Dritës kanë hyrë në javën e derbit lokal, që luhet të dielën në kuadër të xhiros së 33-të në Superligën e Kosovës.

Ky derbi është i rëndësisë së veçantë kësaj radhe, pasi të dy skuadrat luajnë për objektiva të caktuara, SC Gjilani luan për ta blinduar vendin e tretë që e dërgon në garat evropiane, kurse Drita luan për titullin kampion, pasi vetëm fitorja e dërgon drejt titullit të kampionit.

Përballjet e fundit mes këtyre dy skuadrave janë luajtur pa tifoz, për shkak se nuk ka kushte për tifozërinë e të dy ekipeve.

Gazeta Enigma mëson se edhe ky derbi do të luhet pa praninë e tifozëve, pra me të njëjtën arsye që ishte edhe në derbit e kaluar, nuk ka siguri për praninë e dy tifozërive. /06 Press/