Gjilan.AL

G-Lan City

Juventusi merr fitore minimale ndaj Fiorentinës

Juventusi ka fituar 1-0 ndaj Fiorentinës në kuadër të javës së 22-të në Serie A.

Ishte minuta e 12-të e takimit, kur Bianconerët krijuan rastin e parë serioz, por që nuk ia dolën ta konkretizonin.

Edhe në minutën e 24-të, vendasit lëshua një mundësi të artë shënimi, kur njëri prej lojtarëve të tyre nuk ia doli të mposhte portierin Pietro Terracciano.

Goli i parë dhe i vetëm në këtë ndeshje u shënua në minutën e 34-të, kur Angel di Maria asistoi te Adrien Rabiot, që realizoi për 1-0.

Juventusi ia doli të shënonte edhe në minutën e 59-të, por që VAR-i e anuloi golin për pozicion jashtë loje.

Deri në fund, Fiorentina nuk u dorëzua dhe ia doli ta tunde rrjetën e Zonjës së Vjetër në minutën e 89-të nëpërmjet Gaetano Castrovilli, por VAR-i e anuloi atë për pozicion jashtë loje, duke mbetur 1-0 për vendasit.

Pas javës së 22-të, Juventusi gjendet në vendin e nëntë me 29 pikë, ndërsa në xhiron e 23-të do të kenë punë me Spezian.