Gjilan.AL

G-Lan City

Ferma solare me një tufë delesh në Kamenicë bëhet lajm botëror

Një fermë diellore në Kosovë ka gjetur një alternativë të zgjuar dhe miqësore me mjedisin për mirëmbajtjen e paneleve të saj diellore: një tufë delesh. Kjo zgjidhje e qëndrueshme ka zgjidhur problemin e prerjes së barit duke kontribuar në tranzicionin energjetik të vendit.

Punëtorët në një fermë të energjisë diellore në Kosovë kanë gjetur një mënyrë më të gjelbër dhe më efikase për të kositur barin rreth paneleve të tyre diellore: një tufë delesh.

Më shumë se 100 dele në fermën diellore në fshatin Roganë të Kamenicës

Më shumë se 100 dele dhe disa dhi kullosin dy herë në javë në fermën diellore Rogane, afër qytetit të vogël të Kamenicës në Kosovën lindore, ku janë instaluar më shumë se 12,000 panele fotovoltaike.

“Punëtorët e kuptuan se kositja e arave ishte shumë e vështirë, më pyetën nëse mund t’i sillja delet e mia”, tha bariu 72-vjeçar Rexhep Rrudhani, teksa urdhëronte qentë e tij të manovronin kopenë që kulloste nën panele.

Në shkrimin e Reuters-it përmendet fakti që Kosova ka midis 12-14 miliardë tonë rezerva të linjitit me cilësi të ulët, e pesta më e madhe në botë. Më shumë se 90% e energjisë elektrike të saj prodhohet nga qymyri dhe pjesa tjetër është nga burimet e rinovueshme, kryesisht nga era dhe dielli. /Gjilani Press/