Gjilan.AL

G-Lan City

Erdogani premton masa ndaj atyre që po plaçkitin në zonat e goditura nga tërmeti

Presidenti turk Rexhep Tajip Erdogan përsëriti sot se qeveria do të marrë masa kundër atyre që janë përfshirë në plaçkitje dhe krime të tjera në rajonin e goditur nga tërmeti shkatërrues i kësaj jave.

Çështja e sigurisë është vënë në fokus pasi ushtria austriake pezulloi operacionet e shpëtimit atje për shkak të asaj që zëdhënësi i saj e quajti “një situatë gjithnjë e më e vështirë sigurie”.

Është raportuar se ka pasur përleshje midis grupeve të paidentifikuara dhe se rreth 80 trupa austriake në rajon janë strehuar në një kamp bazë me organizata të tjera ndërkombëtare, në pritje të udhëzimeve.

“Ne kemi shpallur gjendjen e jashtëzakonshme”, tha Erdogan gjatë një vizite në zonën e fatkeqësisë sot, raporton Reuters.

“Do të thotë që tani e tutje, njerëzit që janë të përfshirë në grabitje apo rrëmbime duhet ta dinë se dora e fortë e shtetit është mbi kurrizin e tyre”, tha ai.

Erdogani tha gjithashtu se qindra mijëra ndërtesa ishin të pabanueshme në të gjithë Turqinë jugore dhe se autoritetet do të fillonin së shpejti procesin e rindërtimit.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

The post Erdogani premton masa ndaj atyre që po plaçkitin në zonat e goditura nga tërmeti appeared first on Klan Kosova.

[#item_full_content]